請你搞清楚，首先都冇成功甚至乎係約實你時間及做任何交易，其次留言俾你又等你鬼咁耐唔覆，阿大哥你要賣野更係要快手啦！個大海咁多魚，你估剩係得你大哥一位擺部電話出嚟賣咩？你咁慢點賣得走啲野呀？再者，喂！我覆咗你唔買、同埋都又冇約到出嚟，你慢賣唔到野就唔好發爛渣啦！係咪你老馮擺啲嘢出嚟買？就要有人幫你接手先？喂！唔通你件貨放咗喺山旮旯咁遠，唔方便我去交收我都一定要嚟同你買咩？？.....又要等你十幾個鐘先覆我….我都等呀?咁你唔覆我點算呀？使唔使等你變到化石咁樣啊？我已經好有禮貌地回覆咗你，買唔倒只不過是大家時間問題請你搞清楚！！冇人有責任一定要同你買嘢嘅大哥！人哋另外個賣家覆得我快、時間地方又就倒，咁到我咪即刻買咗人哋部機先囉、就係咁簡單！重點係要「快」請你唔好一廂情願，你估你部iPhone特別啲咩？仲有重點中嘅重點、我寫咁大段野比你都冇用一個詆毁你嘅字眼話過你，我唔明你點解要留言話我垃圾囉！喺呢個平台買嘢就係咁簡單，合得來、不合則咪做唔到交易囉，好簡單啫！如果你下下傾兩句擺件嘢出嚟賣，就約出到嚟，試咗唔啱唔同你買，你又鬧人一餐嘅？咁都唔係道理啦！